Kiel akvo de l' rivero (1962) 
Raymond Schwartz
"Kiel akvo de l’ rivero restas grava, interesa kaj legebla kun granda ĝuo. Ĝi havas tiom da bonaj ecoj, belajn, detalriĉajn kaj buntajn priskribojn kaj scenojn el malsamaj medioj, ankaŭ ĉarman etoson el la epoko antaŭmondmilita. Ĝia temo devus esti plej grava al ĉiu esperantisto. Kaj ĝia lingvaĵo estas tutsimple modela. Legu ĝin!" (Sten Johansson)
William Auld skribis: "Kiel ni ĉiuj scias, la jaro 1914 efektive dividas du sociojn kaj enkondukas la mondon modernan, en kiu ni mem vivas. En tiu jaro Schwartz iĝis 20-jara, do lia nostalgio vere havas duoblan motivigon. Tamen se mi parolas pri nostalgio oni ne supozu, ke temas pri romano terure sentimenta aŭ dolĉece sopira. Tiun antaŭmilitan mondon Schwartz priskribas vigle, kvazaŭ la okazaĵoj okazintus nur hodiaŭ: maloftaj estas tiel freŝaj tekstoj en nia lingvo, kaj la konata sekeca temperamento de la kabareta artisto Schwartz malhelpas lian sentimentaliĝon. Male, eĉ tie, kie la intrigo efektive permesus ian patoson, li tion evitas kaj tiel lerte aranĝas siajn esprimojn, ke la vera patoso nur subsentiĝas al ni, la legantoj, tute ne trudite. Liaj rolantoj - precipe en la unua, pli longa parto - estas "vivrealaj", kaj ni tute kredas je ili. La intrigo koncernas francan junulon, kiu pasigas la antaŭmilitan jaron - kompreneble, oni ne scias, ke ĝi estas antaŭmilita - en Germanujo, kie li formas amikajn rilatiĝojn kun siaj germanaj kolegoj ŝajne daŭrontajn eterne. La neatendita eksplodo de la mondmilito tempeste forblovas tiujn amikecojn. En la dua parto, kiu titoliĝas "...Kaj oni rekomencis...", la milito rekomenciĝas en 1939 kaj ni sekvas la karieron de Pierre dum tiu dua katastrofo. Unu grava temo de tiu ĉi brila romano estas kompreneble la militabomeno kaj la valoro de individuoj super naciecoj, almenaŭ naciecoj blindaj kaj senrezonaj."
Kiel akvo de l' rivero estis unuafoje eldonita en 1962 ĉe Stafeto, la eldonejo de Juan Régulo Pérez, La Laguna, Kanarioj, Hispanio. Dua eldono sekvis jam en 1963. En 1987 aperis represa plia eldono fare de la eldonejo Iltis en Saarbrücken (Germanio). La nuntempan version en 1991 publikigis la eldonejo Edistudio en Pisa (Italio) kaj produktis la presejo Spindulys en Kaŭno (Litovio).
Libere elŝutebla (skanita) 1962-eldono: elŝutu pdf-n sube de la paĝo.
Multaj recenzoj ekzistas pri la fama romano: http://literaturo.esperanto.net/roman/libr/kielakvriver.html
UEA-katalogo: https://katalogo.uea.org/katalogo.php?inf=4324&opinio=aldonu
Retbutiko.be: https://retbutiko.be/en/ero/kari
Vikipedio: https://eo.wikipedia.org/wiki/Kiel_akvo_de_l%27_rivero
Vikipedio: https://eo.wikipedia.org/wiki/Raymond_Schwartz
Rimarko de la redakcio:
Diversaj legintoj komentis pri la enhavo kaj stilo de la elstara romano. Ili trovis ke la komenco de la verko "Kiel akvo de l' rivero" fluas(!) ege tro malrapide, kaj ili proponas al tiuj kiuj ne pretas tuj tralegi la kompleten verkon de 487 paĝoj, ke oni unue legu ĝin ekde paĝo 65.
Ankaŭ interesa:
Medito de Federico Gobbo el: Kiel l' akvo de l' rivero (Raymond Schwartz) Iltis: Saarbrücken, 1987, 18-19. Represo. https://federicogobbo.substack.com/p/10-medito-el-raymond-schwartz-1987
Kiel akvo de l' rivero estis unuafoje eldonita en 1962 ĉe Stafeto, la eldonejo de Juan Régulo Pérez, La Laguna, Kanarioj, Hispanio. Dua eldono sekvis jam en 1963. En 1987 aperis represa plia eldono fare de la eldonejo Iltis en Saarbrücken (Germanio). La nuntempan version en 1991 publikigis la eldonejo Edistudio en Pisa (Italio) kaj produktis la presejo Spindulys en Kaŭno (Litovio).
Libere elŝutebla (skanita) 1962-eldono: elŝutu pdf-n sube de la paĝo.
Multaj recenzoj ekzistas pri la fama romano: http://literaturo.esperanto.net/roman/libr/kielakvriver.html
UEA-katalogo: https://katalogo.uea.org/katalogo.php?inf=4324&opinio=aldonu
Retbutiko.be: https://retbutiko.be/en/ero/kari
Vikipedio: https://eo.wikipedia.org/wiki/Kiel_akvo_de_l%27_rivero
Vikipedio: https://eo.wikipedia.org/wiki/Raymond_Schwartz
Rimarko de la redakcio:
Diversaj legintoj komentis pri la enhavo kaj stilo de la elstara romano. Ili trovis ke la komenco de la verko "Kiel akvo de l' rivero" fluas(!) ege tro malrapide, kaj ili proponas al tiuj kiuj ne pretas tuj tralegi la kompleten verkon de 487 paĝoj, ke oni unue legu ĝin ekde paĝo 65.
Ankaŭ interesa:
Medito de Federico Gobbo el: Kiel l' akvo de l' rivero (Raymond Schwartz) Iltis: Saarbrücken, 1987, 18-19. Represo. https://federicogobbo.substack.com/p/10-medito-el-raymond-schwartz-1987