La dia komedio. Infero (1300) 
Dante Alighieri
Infero: skano de la unua parto de La Dia Komedio, poemo de 14 mil versoj verkita de Dante Alighieri. Tiu ĉi alegorio rakontas la vojaĝadon de Dante tra la mezepoka ideo de infero. En la poemo la infero estas reprezentita kiel la antaŭa infero kaj la naŭ cirkloj. Alegorie La Dia Komedio prezentas la vojon de la animo al Dio kun la infero kiel simbolo por ekkono kaj refuzo de pekoj.
Kunlabore kun Bruno Migliorini, la verko estas Esperantigita fare de K.Kalocsay kaj eldonita en 1933 ĉe Literatura Mondo en Budapeŝto.
Antoni Grabowski tradukis la poemon Mia estrino Arkivigite je 2012-10-29 per la retarkivo Wayback Machine kaj aperigis ĝin en El Parnaso de Popoloj en 1913. Traduko en Esperanto ekzistas de Infero fare de Kálmán Kalocsay. Tiu ĉi traduko, kiun aperigis Literatura Mondo en 1933, estas mejloŝtono en la evoluo de la poezia lingvo de Esperanto. Krom tio kompleta traduko de La Dia Komedio estis eldonita - sen vicnumero - en la Serio Oriento-Okcidento, en senrima traduko de Giovanni Peterlongo kaj kun ilustraĵoj de Sandro Botticelli. Tiu eldono, kun la itala teksto kaj la traduko en du paralelaj paĝoj, celis komprenigi la lingvon de Dante al fremduloj, kiuj konas ĝin nur supraĵe. Ĝi estas la sola eldono, en kiu estas ilustraĵoj de Botticelli. Ankaŭ Vivo Nova aperis en Esperanta traduko: dulingva eldono aperis ĉe Fonto; la tradukon verkis brila poeto Enrico Dondi en 2003. De la sama tradukinto en 2000 aperis ĉe Fonto nova traduko en tercinoj de Purgatorio; grandioze bona kompleta traduko lia de l' Dia Komedio - tute en la origina tercina formo - aperis en 2006 en tri volumoj kun ilustraĵoj de Gustave Doré: La Dia Komedio: Infero, Purgatorio & Paradizo. De La Floro de Dante (aŭ eventuale de alia Durante, ĉar la aŭtoreco ne estas senkontesta) jam aperis pluraj eroj en la jarkolekto de l' literatura revuo Fonto en 2006, denove en traduko de Dondi. En julio 2007 aperis - denove ĉe Fonto - traduko de la tuta verko sub la indiko: Durante (?) Dante - La Floro; Toskana poemo el la 13a jarcento. Temas pri adaptiĝo al la toskana burĝa medio de la franca korteza Roman de la Rose en 232 sonetoj.
Libere elŝutu la tradukon de K.Kalocsay: elŝutu pdf-n sube de la paĝo.
Vikipedio: https://eo.wikipedia.org/wiki/Infero_(La_Dia_Komedio)
Vikipedio: https://eo.wikipedia.org/wiki/Dante_Alighieri
Pri la unua traduko en Esperanto de Giovanni Peterlongo: https://www.academia.edu/32685026/Giovanni_PETERLONGO_1856_1941_la_unua_tradukisto_en_esperanto_de_la_tuta_Dia_komedio_de_Dante_Alighieri_1265_1321_?fbclid=IwAR2asVSI3faVIsnTudQ-PJ9F-Mv17Bz8qHqwIRJKpebm2UgUt9cMs4SYeso
Dante and Esperanto: https://blogs.bl.uk/european/2021/12/dante-and-esperanto.html
Video-recenzo de Paulo Sergio Viana (pri la Kalocsay-traduko): https://www.youtube.com/watch?v=RU4iOSxgQ2M
Libere elŝutu la tradukon de K.Kalocsay: elŝutu pdf-n sube de la paĝo.
Vikipedio: https://eo.wikipedia.org/wiki/Infero_(La_Dia_Komedio)
Vikipedio: https://eo.wikipedia.org/wiki/Dante_Alighieri
Pri la unua traduko en Esperanto de Giovanni Peterlongo: https://www.academia.edu/32685026/Giovanni_PETERLONGO_1856_1941_la_unua_tradukisto_en_esperanto_de_la_tuta_Dia_komedio_de_Dante_Alighieri_1265_1321_?fbclid=IwAR2asVSI3faVIsnTudQ-PJ9F-Mv17Bz8qHqwIRJKpebm2UgUt9cMs4SYeso
Dante and Esperanto: https://blogs.bl.uk/european/2021/12/dante-and-esperanto.html
Video-recenzo de Paulo Sergio Viana (pri la Kalocsay-traduko): https://www.youtube.com/watch?v=RU4iOSxgQ2M